.
02:02 PM - 30/06/2020
ڤالانسیا بەرەسمی سیلادێسی لە كارەكەی دوورخستەوە
بەرەسمی یانەی ڤالانسیای ئیسپانی ئەلبێرت سێلادێسی راهێنەری یانەكەی لە پۆستەكەی دوورخستەوە و بە شێوەیەكی كاتیش سالڤادۆر گۆنزالێزی یاریزانی پێشووی یانەكە ئەركی سەرپەرشتیكردنی ڤالانسیا لە ئەستۆ دەگرێت ڤالانسیا لە دوایین 15 خاڵ تەنها 4 خاڵی بەدەستهێناوە و پێش راگیرانی لالیگا بەهۆی ڤایرۆسی كۆرۆناوە زۆر نزیكبوو لەوەی بلیتێكی گەیشتن بە چامپیۆنس لیگی وەرزی داهاتوو مسۆگەربكات بەڵام بارودۆخی یانەكە لەدوای دەسپێكردنەوەی یارییەكانی لالیگا گۆڕانكاری بەسەردا هات و ئێستاش بە كۆكردنەوەی 46 خاڵ پلەی هەشتەمی ریزبەندی لالیگای گرتووە .
لە بەیاننامەیەكیشدا ئیدارەی یانە ئیسپانییەكە سوپاسی ئەلبێرت سیلایدیسی كرد و هیوای سەركەوتنی لە كارەكانی داهاتووی بۆ خواست شایەنی باسە : پێش وەرگرتنی ئەركی سەرپەرشتیكردنی ڤالانسیا .
سیلادیس هیچ ئەزموونێكی راهێنەرایەتی لەگەڵ یانە گەورەكان نەبوو وە لە دوای هەفتەی سێیەمی لالیگا دوای دوورخستنەوەی مارسیلینۆ گارسیا تورال پۆستی راهێنەرایەنی یانەكەی وەرگرت .
لە تۆڕە کۆمەڵایەتیەکان شەیری بکە
