.
11:13 PM - 22/02/2020
بەمەبەستی رێگرتن لە بڵاوبوونەوەی ڤایرۆسی كۆرۆنای نوێ، دەسەڵاتدارانی ئێران بڕیاریاندا دەرگای ناوەندەكانی خوێندن و زانكۆكانی دووشار دابخەن.
تەلەفزیۆنی رەسمی ئێران بڵاویكردەوە بەپێی بڕیارەكە لە رۆژی یەكشەممەوە دەرگای ناوەندەكانی خوێندن و زانكۆكانی شاری قوم بۆ ماوەی دوو رۆژ و دەرگای ناوەندەكانی خوێندن و زانكۆكانی شاری ئاراك-یش بۆ ماوەی هەفتەیەك دادەخرێن.
دوای گیان لەدەستدانی دوو كەس بەهۆی ڤایرۆسی كۆرۆناوە، پێنجشەممەی رابردوو حكومەتی ئێران پێكهێنانی تیمێكی خۆپارێزی و رووبەڕووبوونەوەی ڤایرۆسەكەی راگەیاند.
رۆژی شەممە وەزارەتی تەندروستی ئێران رایگەیاند كە ژمارەی تووشبووانی ڤایرۆسی كۆرۆنا بەرزبووەوە بۆ 28 كەس و پێنج كەسیش گیانیان لەدەست داوە.
لە تۆڕە کۆمەڵایەتیەکان شەیری بکە