شێخ محەمەد بن عەبدولڕەحمان ئالسانی جێگری سەرۆك وەزیران و وەزیری دەرەوەی قەتەر لەڕێی فرۆكەخانەی نێودەوڵەتی هەولێرەوە گەیشتە هەرێم و لەلایەن قوباد تاڵەبانی جێگری سەرۆكی حكومەتی هەرێمەوە پێشوازی لێكرا.دواتر لە دیدارێكدا مەسرور بارزانی و قوباد تاڵەبانی سەرۆك و جێگری سەرۆكی حكومەتی هەرێم باردودۆخی عێراق و ناوچەكە تاوتوتوێ كران و تەئكید لە سەر ئارامكردنەوەی دۆخی عیراق و نەهێشتنی گرژی لە ناوچە كرایەوە .لە دیدارەكەدا سەرۆك و جێگری سەرۆكی حكومەتی هەرێم ئاماژەیان بە كارنامەی كابینەی نۆیەمی حكومەتی هەرێمی كوردستان كرد كە دەیەوێت گرنگی بەسەرجەم سێكتەرەكان بدات و ئابووری هەرێمی كوردستان هەمەچەشەن بكات ، هەروەها لە رێگەی ئاسانكاری پێویستەوە، پەرە بە وەبەرهێنانی ناوخۆ و دەرەكی بدات. لای خۆشییەوە شێخ محەمەد بن عەبدولڕەحمان ئالسانی جێگری سەرۆك وەزیران و وەزیری دەرەوەی قەتەر، ستایشی سەقامگیریی ئاسایش و گەشەسەندنی هەرێمی كوردستان كرد و ئامادەیی وڵاتەكەشی بۆ بەهێزكردنی پەیوەندییەكانی نێوان هەردوولا بەتایبەتی لە بواری بازرگانی دەبڕی و راشیگەیاند: دەرفەتێكی باش لەئارادایە بۆ پەرەپێدانی وەبەرهێنان و هاتنی وەبەرهێنەرە قەتەرییەكان بۆ هەرێمی كوردستان .
