کەناڵی ئاسمانی گەلی کوردستان

  Live

هەواڵەکان

ناپۆلی ئەركی ریاڵ مەدرید قورستر دەكات

.

02:03 PM - 21/03/2019

ئیدارەی یانەی ناپۆلی ئیتاڵی هەڵوێستی خۆی سەبارەت بەداهاتووی كالیدۆ كۆلیبالی بەرگریكاری سەنیگالی یانەكە یەكلاییكردەوە و بەمەش ئەركی یانەی ریاڵ مەدریدی لەگواستنەوەی ئەو یاریزانە قورستركرد.
بەپێی ئەو هەواڵەی پێگەی ئەلیكترۆنی كالچۆ میركاتۆ بڵاویكردۆتەوە: ئیدارەی یانەكەی باشووری ئیتاڵیا بڕیاریداوە كالیدۆ كۆلیبالی لە ریزی یانەكە بهێڵێتەوە و مەرجێكی قورسی لەبەرامبەر دەستەبەرداربوونی داناوە، پێگە ئەلیكترۆنییەكە ئەوەشی روونكردۆتەوە: كە ئۆریلۆ دی لۆرینتیسی سەرۆكی یانە ئیتاڵییەكە ئارەزووی ئەوە دەكات بەربەست لەبەرامبەر رۆشتنی ئەو بەرگریكارە سەنیگالییە دروست بكات و بڕی 150ملیۆن یۆرۆی وەك بڕی دەستبەرداربوون لەتواناكانی دەستنیشان كردووە، شایەنی باسە پێشتر رۆژنامەی كۆریێری دیللۆ سپۆرتی ئیتاڵی ئەوەی بڵاوكردبۆوە: كە یانەی ریاڵ مەدریدی ئیسپانی لەسەر داواكاری زینەدین زیدانی راهێنەر ئارەزووی گواستنەوەی كۆلیبالیان بۆ ریزەكانی میرینگی كردووە.

لە تۆڕە کۆمەڵایەتیەکان شەیری بکە

سەرەوە