.
11:10 PM - 20/03/2019
هێرۆ ئیبراهیم ئەحمەد و شاناز ئیبراهیم ئەحمەد ئاگری جەژنی نەورۆز دەکەنەوە و چەپکە نێرگزی رێز و خۆشەویستی لەسەر ئارامگای هەر یەک لە سەرۆک مام جەلال و مامۆستا ئیبراهیم ئەحمەد دادەنێن.
دوانیوەڕۆی ئەمڕۆ ۲۰ی ۳ی ۲۰۱۹ بەبۆنەی جەژنی نەورۆزەوە، بە ئامادەبوونی هێرۆ ئیبراهیم ئەحمەد ئەندامی مەکتەبی سیاسی و شاناز ئیبراهیم ئەحمەد لێپرسراوی ناوەندی دەرەوەی یەکێتیی نیشتمانیی کوردستان و ژمارەیەک کەسایەتی، دەزگای میدیایی كوردسات وەك نەریتی ساڵانەی ئاهەنگێكی رێكخست.
لە دەستپێکی ئاهەنگەکەدا ئاگری نەورۆز لەلایەن هێرۆ ئیبراهیم ئەحمەد و شاناز ئیبراهیم ئەحمەد كرایەوە ،دواتر ژمارەیەك لەهونەرمەندانی كوردستان گۆرانییان پێشكەشكرد، ژمارەیەکی زۆر هاوڵاتیان و كارمەندانی دەزگای میدیایی كوردسات و بەشێك لە كەسوكار و خانەوادەكانیشیان ئامادەی بوون.
دواتریش، سەردانی ئارامگای هەریەک لە سەرۆک مام جەلال و مامۆستا ئیبراهیم ئەحمەد-یان کرد و چەپکە نێرگزی رێز و خۆشەویستیان لەسەر ئارامگاکانیان دانا.
لە تۆڕە کۆمەڵایەتیەکان شەیری بکە
