.
02:03 PM - 20/03/2019
لەیاریەكی تری دواخراوی هەفتەی 20ی خولی نایابی یانەكانی كوردستان یانەی هەندرێن لەیاریگا و بەردەم هاندەرانی پێشوازی لەیانەی زێرەڤانی پاڵەوانی وەرزی رابردووی كرد و 3 خاڵی یارییەكەشی لێ وەرگرت هەندرێن لە تۆمار كردنی گۆڵ دەستپێشخەر بوو كاتێك هەنگاو محەممەد لە دەقیقەی 25 بە لێدانی سەر یانەكەی بە گۆڵێك پێشخست و گێمی یەكەم بە پێشكەوتنی هەندرێن تەواو بوو لە دەستپێكی گێمی دووەم جارێكی تر هەنگاو محەممەد خۆی گەیاندەوە سەر گۆڵی زێرەڤانی و گۆڵی دووەمی خۆی و یانەكەی تۆمار كرد هەرچەندە لەدەقیقەی 70 محەممەد شێرزاد گۆڵێكی بۆ زیرەڤانی بە لێدانی سزا تۆماركرد و جیاوازیەكەی بۆ گۆڵێك كەمكردەوە بەڵام ئەو گۆڵە یانەكەی لە شكست رزگار نەكرد و یاریزانانی هەندرێن پارێزگارییان لەپێشكەوتنەكەیان كرد دواجار یارییەكە بە ئەنجامی دوو گۆڵ بەرامبەر بە گۆڵێك لە بەرژەوەندی یانەی هەندرێن كۆتایی هات
لە تۆڕە کۆمەڵایەتیەکان شەیری بکە