.
09:53 PM - 13/03/2019
قوباد تاڵەبانی جێگری سەرۆكی حكومەتی هەرێمی كوردستان لەگەڵ سیداد ئۆنال جێگری وەزیری دەرەوەی توركیا و وەفدی هاوڕێی كۆبۆوە, لە كۆبوونەوەكەدا پەیوەندییەكانی نێوان هەرێمی كوردستان و توركیا تاوتوێكرا و هەردوولا هاوڕابوون كە بەهێزبوونی پەیوەندییەكانی نێوان حكومەتی هەرێم و توركیا لە بەرژەوەندیی هەردوولایە و هەر لەم چوارچێوەیەشدا، قوباد تاڵەبانی تەئكیدی لەوە كردووە كە كۆمپانیاكان و وەبەرهێنەرانی توركیا دەتوانن ڕۆڵێكی باشتر ببینن لە گەشەكردنی ئابووری هەرێمی كوردستان, لە تەوەرێكی دیكەی كۆبوونەوەكەدا دۆخی ناوچە كێشە لەسەرەكان تاوتوێكرا و جێگری سەرۆكی حكومەتی هەرێمی كوردستان تەئكیدی كردەوە كە دەبێت لەو ناوچانە بەبێ جیاوازی مافی هەموو پێكهاتەكان پارێزراوبێت, هەر لە كۆبوونەوەكەدا پرسی پێكهێنانی كابینەی نوێی حكومەتی هەرێمی كوردستان و پەیوەندییەكانی نێوان هەرێم و بەغدا و تەواوكردنی كابینەكەی عادل عەبدولمەهدی تاوێكرا و هەردوولا دید و بۆچوونی خۆیان لەم بارەیەوە خستەڕوو.
لە تۆڕە کۆمەڵایەتیەکان شەیری بکە