.
02:43 PM - 19/02/2019
سێرگی لاڤرۆڤ وەزیری دەرەوەی روسیا ئەمریكای تۆمەتبار كرد بە پلان داڕشتن بۆ دابەشكردنی سوریا و دروستكردنی نیمچە دەوڵەتێك لەناوچەكانی باكوور و خۆرهەڵاتی فوڕات و رایگەیاند: گەڕاندنەوەی سەروەری و ئاسایشی هەرێمایەتی بۆ سوریا ئەركی كۆمەڵی نێودەوڵەتی بووە بە ئەمریكاشەوە، بەڵام ئیدارەی ئەمریكی لەو رووەوە تەنیا مانۆڕی سیاسی ئەنجامداوە بۆ دوورخستنەوەی چاوی كۆمەڵگەی نێودەوڵەتی لەسەر خۆی. لاڤرۆڤ وتیشی: ئەمریكا كۆسپ لەبەردەم گەڕانەوەی سەروەری بۆ سوریا دروست دەكات و رێگری دەكات لەهاوپەیمانەكانی بۆ وەبەرهێنان لەناوچە رزگاركراوەكان كە ئێستا كەوتوونەتەوە ژێر دەستی حكومەت.
وەزیری دەرەوەی روسیا تەئكیدیشكردەوە: لەوەی ئامانجەكەی ئەمریكا لەسوریا ئێستا زۆر روون و ئاشكراتر دەركەوتووە كە ئەویش دابەشكردنی سوریا و دروستكردنی نیمچە دەوڵەتێكە لەناوچەكانی باكوور و خۆرهەڵاتی سوریا.
لە تۆڕە کۆمەڵایەتیەکان شەیری بکە
