.
04:35 PM - 13/01/2019
حاكم قادر حەمە جان كارگێڕی مەكتەبی سیاسی، لەمیانەی دیدارێكیدا لەگەڵ (عومەرئەلكەندەری) كونسوڵی گشتی دەوڵەتی كوەیت لەهەرێمی كوردستان، گفتوگۆیان كرد لەبارەی فراوانكردنی ئاستی پەیوەندییەكانی نێوان گەلی كورد و گەلی كوەیت لەڕووی سیاسی و هاوكاری و كۆمەكی ئاوارەكان و پەرەپێدانی ئاستی هەماهەنگییەكانی نێوان یەكێتی نیشتمانی كوردستان و دەوڵەتی كوەیت، لەبەشێكی تری ئەو دیدارەدا، حاكم قادر حەمە جان بەناوی گەلی كوردو یەكێتیی نیشتمانیی كوردستانەوە، سوپاس و ستایشی گەل و حكومەتی (كوەیت)یشی كرد لەبەرامبەر هەموو ئەو پشتیوانی و هاوكارییە بەردەوامانەی لەماوەی ڕابردوودا پێشكەش بەئاوارەكانی شەڕی دژ بە تیرۆرستانیان كردووە.
هەروەها داواشی لە كونسوڵی كوەیت كرد لەداهاتوودا و لەشاری سلێمانی وەك پایتەختی ڕۆشنبیری نوسینگەیەكی تایبەت بەڕووناكبیری دەوڵەتی كوەیت بكەنەوەو لەبوارەكانی پەروەردەو كۆمەڵایەتی و زانستیدا پەیوەندی نێوان زانكۆكانی هەرێمی كوردستان و كوەیت فراوانتر بكەن.
لە تۆڕە کۆمەڵایەتیەکان شەیری بکە
