.
09:34 PM - 23/05/2018
وەفدی یەكێتی لەگەڵ نوری مالكی سەرۆكی ئیئتلافی دەوڵەتی قانون كۆبۆوە.
لەچوارچێوەی سەردانەكەیاندا بۆ بەغدا، وەفدی یەكێتیی نیشتمانیی كوردستان بەسەرۆكایەتی مەلا بەختیار سەردانی نوری مالكی سەرۆكی ئیئتلافی دەوڵەتی قانون- یان كرد و پرسەكانی پەیوەست بە دواگۆڕانكارییە سیاسییەكان و پێكهێنانی حكومەتی داهاتووی عیراق تاووتوێكرد.
لەو دیدارەیاندا، وەفدی یەكێتیی تەئكیدیان لەسەر پێویستی پێكهێنانی حكومەتێكی بەهێز كردەوە كە لەئاستی خوازراودا بێت و لەتوانایدا بێت سەرجەم كێشە ناوخۆییەكانی وڵات و كێشەكانی نێوان هەرێم و بەغدا چارەسەر بكات.
هاوكات نوسینگەی نوری مالكی سەرۆكی ئیئتلافی دەوڵەتی قانون لە بەیاننامەیەكدا ئاماژەی بە كۆبوونەوەكەی وەفدی یەكێتی لەگەڵ سەرۆكی ئیئتلافی دەوڵەتی قانون كرد و تیایدا ئاماژەی بەوەكردووە: هەردوولا بۆچوونەكانی خۆیان لەبارەی بارودۆخی سیاسی ئایندە و پێویستی دۆزینەوەی لێكگەیشتنێكی هاوبەش كردۆتەوە لەپێناو پەلەكردن لە پێكهێنانی حكومەتێكی نیشتمانی كە خاوەنی بەرنامەیەكی نیشتمانی بێ لە خزمەتی بەرژەوەندی و خواستەكانی هەموو گەلانی عیراق بەبێ جیاوازی.
لە تۆڕە کۆمەڵایەتیەکان شەیری بکە
