.
08:29 PM - 23/05/2018
پارێزگاری پێشووی موسڵ دەڵێت: سوننەكان پەرتەوازە و نا یەكگرتوون و هێندەی گرنگی بەئەنجومەنی پارێزگاكان دەدەن، هێندە گرنگی بە پەرلەمانی عیراق نادەن.
ئەسیل نوجێفی پارێزگاری پێشووی موسڵ و سەركردە لە هاوپەیمانی قەرار رەخنە لەو بارودۆخە دەگرێت كە پێكهاتەی سوننەكانی تێكەوتووە و رایدەگەیەنێت: پێكهاتەی سوننە نا یەكگرتوون لەرووی دانوستانەكانی پەیوەست بە پێكهێنانی گەورەترین فراكسیۆنی پەرلەمانی بۆ ئەوەی كابینەی داهاتووی حكومەتی عیراق پێكبهێنرێَت. دەشڵێت: سوننەكان بەگشتی هێندەی گرنگی بە ئەنجومەنی پارێزگاكان دەدەن، هێندە گرنگی بە پەرلەمانی عیراق نادەن.
ئەسیل نوجێفی پێشبینی ئەوەش دەكات زۆربەی هێز و قەوارە سوننییەكان بەشداری بكەن لەپێكهێنانی كابینەی داهاتووی حكومەتی عیراق و ئەو قەوارانەش كە لەهەڵبژاردنەكاندا زیانی گەورەیان كردووە و دەنگەكانیان بەشێوەیەكی بەرچاو دابەزیووە، ببنە ئۆپۆزسیۆن.
لە تۆڕە کۆمەڵایەتیەکان شەیری بکە