.
10:56 AM - 23/05/2018
بەهۆی پابەند نەبوون بە مەرج و ڕێنمایەكانی كاركردن، لەلایەن لیژنەهاوبەشەكانی قائیمقامیەتی سلێمانییەوە خواردنگەی سندویج هاوس دادەخرێت.
گۆران قادر، سەرۆكی لیژنە هاوبەشەكانی قائیمقامیەتی سلێمانی رایگەیاند: لەئەنجامی سەردان و پشكنینە بەردەوامەكانی لیژنە هاوبەشەكان دەركەوت خواردنگەی سندویج هاوس پابەندی مەرج و رێنمایەكانی كاركردن نیەو شوێنی هەڵگرتن و ئامادەكردنی خواردن و كەلوپەلی ئامادەكردنی خواردنەكانی تەنانەت ئەو خواردنانەی لەو شوێنەدا بوون لەڕووی تەندروستیەوە شیاوی خواردن و بەكارهێنان نین، بۆیە بەفەرمانی قائیمقامی سلێمانی شوێنەكە دادەخرێت،
ووتی: سەرپێچی كردن لە رێنمایەكانی كاركردن، جۆری ئەو سزا دیاری دەكات كە بەرامبەر شوێنێك دەكرێت، بۆیە كەمتەرخەمی لەپاك و خاوێنی لە ئەمباركردن و دروستكردنی خواردندا لێپێچینەوەی یاسایی لەگەڵ دەكرێت, ناكرێت خواردنی نەشیاو ناتەندروست پێشكەش بە هاوڵاتیان بكرێت، چونكە هۆكاری سەرەكی زۆرێك لەنەخۆشیەكان خواردنی ناتەندروستە.
گۆران قادر ئاماژەی بەئەوەش كرد، بەفەرمانی قائیمقامی سلێمانی خواردنگەی سندویج هاوس دادەخرێت تاسەرجەم مەرج و رێنماییەكان جێبەجی دەكات و سەرجەم كەل وپەل و خواردنە نەشیاوەكانی دەستی بەسەردا دەگیرێت و لەناو دەبرێن.
راگەیاندنی قائیمقامیەتی سلێمانی
لە تۆڕە کۆمەڵایەتیەکان شەیری بکە