.
11:01 AM - 01/08/2015
فڕۆكە جەنگییەكانی توركیا بەچڕی بۆردومانی گوندی زارگەلی بناری قەندیلیان كردو ژمارەیەك شەهیدو برینداری لێكەوتەوە. پەیامنێرمان لەبناری قەندیل پێی راگەیاندین: بەرەبەیانی ئەمڕۆ فڕۆكە جەنگییەكانی توركیا بەچڕی گوندی زارگەلی بناری قەندیلیان بۆردومانكردوەو لەبۆردومانەكەشدا 9 هاوڵاتی شەهید بوون كە پێنجیان پیاون و چواریشیان ژنن، زیاتر لە 10 هاوڵاتیش برینداربوون و بۆ چارەسەركردن رەوانەی نەخۆشخانەی ئاشتی قەزای سۆران كراون، بەڵام لەبەر سەختی برینەكەیان چاوەڕوان دەكرێت ژمارەی شەهیدەكان زیاد بكات. هەر لەئەنجامی ئەو بۆردومانەدا شەش خانوی دانیشتوانی گوندی زارگەلی بەتەواوی روخاون و دانیشتوانەكەی گوندەكەیان چۆڵكردوەو زیانێكی زۆری مادیش بەر خەڵكی گوندەكەكە كەوتووە.
لە تۆڕە کۆمەڵایەتیەکان شەیری بکە