.
01:37 PM - 30/07/2015
نیوهڕۆی ئهمڕۆ وهفدێكی باڵای وهزارهتی دهرهوهی توركیا گهیشته مهكتهبی سیاسی یهكێتیی نیشتمانی كوردستان و لهگهڵ وهفدێكی باڵای یهكێتی كۆبوونهوه.
له دوای كۆبوونهوهكه حاكم قادر حهمهجان كارگێڕی مهكتهبی سیاسیی یهكێتیی نیشتمانی كوردستان راگهیاند: له كۆبوونهوهی ئهمڕۆی مهكتهبی سیاسی یهكێتی و وهفدی باڵای وهزارهتی دهرهوهی توركیا باسی بارودۆخی ناوچهكه بهگشتی و ههرێمی كوردستانمان بهتایبهتی كرد.
وتیشی: له كۆبوونهوهكهدا یهكێتی زۆر به راشكاوانه داوای له توركیا كرد كه تۆپبارانی سنوورهكانی ههرێمی كوردستان رابگیرێت.
راشیگهیاند: بهناوی خهڵكی كوردستانهوه داوامان له وهفدی توركیا كردوه كه چی زووه تۆمپبارانی ههرێمی كوردستان رابگیرێت و پهنا بۆ گفتوگۆ ببرێت بۆ چارهسهركردنی كێشهكان.
لە تۆڕە کۆمەڵایەتیەکان شەیری بکە