.
09:57 AM - 31/03/2018
دادگایەكی باڵای ئەمریكی داوا لەكارگەكانی بەرهەمهێنانی قاوە دەكات هەموان لەتووشبون بەنەخۆشی شێرپەنجە لەئەنجامی خواردنەوەی قاوە ئاگاداربكەنەوە.
دادگای باڵای لۆس ئەنجلس داوایەكی ئاڕاستەی كارگەكانی وەك ساتربكس و سێڤن ئیلفن و ئەوانی تر لەكارگەكانی بەرهەمهێنانی قاوە كرد لەسەر بەرهەمەكانیان بەكارهێنەرانی قاوە لە تووشبوون بەنەخۆشی شێرپەنجە ئاگاداربكەنەوە.
داوای ئەو دادگا باڵایەی ئەمریكا دوای ئەوەهات كە ئەنجومەنی رێكخراوی خوێندن و توێژینەوە لەبواری ماددە ژەهراوییەكان لەساڵی 2010دا داوایەكی یاسایی لەدژی كارگەكانی بەرهەمهێنانی قاوە بەرزكردەوە و داوای لێكردن ماددەی ئەكریلامید كە دەبێتە هۆی تووشبون بەنەخۆشی شێرپەنجە لەبەرهەمهێنانی قاوەدا بەكارنەهێنن.
لەبەرامبەریشدا كارگەكانی وەك ستاربكس تەئكیدیان لەوەكردۆتەوە كەئەو ماددەیە لەكاتی برژاندنی قاوەدا هیچ زیانێكی نابێت و لابردنیشی كاریگەری لەسەر تامەكەی دروستدەكات.
لە تۆڕە کۆمەڵایەتیەکان شەیری بکە
