.
07:40 PM - 17/03/2018
محەمەد عوسمان پەرلەمانتاری عیراق لە فراكسیۆنی یەكێتیی نیشتمانیی كوردستان لەلێدوانێكی رۆژنامەوانیدا ئاشكرایكرد"ئەمریكا فشارەكانی لەسەر بەغدا دەستپێكردووە بۆ سەرلەنوێ بڵاوكردنەوەی هێزی پێشمەرگەی كوردستان لەكەركوك و ناوچە جێناكۆكەكانی دیكە لەگەڵ دانانی پارێزگارێكی نوێ لەپێكهاتەی كورد بۆ پارێزگای كەركوك پێش بەڕێوەچوونی هەڵبژاردنەكانی پەرلەمانی داهاتووی عیراق لە 12 ی ئایاری داهاتوو.
محەمەد عوسمان وتیشی: وتوێژی بەردەوام لەنێوان حكومەتی هەرێمی كوردستان و حكومەتی فیدڕاڵ بەردەوامە بۆ گەیشتن بە لێكگەیشتنێك بۆ گەڕانەوەی هێزی پێشمەرگەی كوردستان بۆ كەركوك و ناوچە جێناكۆكەكانی دیكە. هەروەك تەئكیدیشیكردەوە"بەرقەراركردنی سەقامگیری ئەمنی و كۆتاییهێنان بەتوندوتیژییەكان لەكەركو ك و ناوچە جێناكۆكەكان پێویستی بە هاوكارییەكی گەورە هەیە لەنێوان هەرێم و بەغدا بۆ بەڕێوەبردنی كاروبارە ئیدارییەكانی ئەو ناوچانە بەهاوبەشی.
لە تۆڕە کۆمەڵایەتیەکان شەیری بکە