.
01:42 PM - 22/01/2018
لە درێژەی یارییەكانی هەفتەی بیستەمی لالیگا یانەی ریاڵ سۆسیداد لە یاریگای ئەنویتا میوانداری یانەی سێڵتا ڤیگۆی كرد لە سە رەتای یاریەكەوە یاریزانانی یانەی خاوەن یاریگا باشتر دەركەوتن تا لە دەقیقەی 10 دا ویلیان خۆسیە دی سیلڤا گۆڵی پێشكەوتنی یانەكەی تۆمار كرد دوای ئەو گۆڵەش یاریزانانی یانەی سێڵتا ڤیگۆ فشارێكی زۆریان خستە سەر گۆڵی یانەی سۆسیداد هەر بەو هۆیەشەوە لە دەقیقەی 20 دا ئیاگۆ ئیسپاس بە لێدانی سزا ئەنجامەكەی بۆ یانەكەی هاوسەنگ كردەوە هەرچەندە لە دەقیقەی 25 دا ناوبژیوان لێدانێكی سزای بۆ یانەی ریاڵ سۆسیداد هەژمار كرد بەڵام ویلیان خۆسیە دی سیلڤا نەیتوانی گۆڵی دووەمی خۆی و پێشكەوتنی یانەكەی پێ تۆمار بكات و گێمی یەكەمی یاریەكە یاریەكەش بە گۆڵێك بۆ هەردوولا مایەوە لە گێمی دووەمدا یاریەكە بەهێزیەكی زیاتری بەخۆوە بینی و دوای هەوڵێكی زۆریش سەرەنجام لە دەقیقەی 75 دا ماكسیمیلیانۆ گۆمێز گۆڵی پێشكەوتنی یانەی میوانی تۆمار كرد لە كۆتاییشدا یانەی سێڵتا ڤیگۆ بە 2 گۆڵ بەرامبەر بە گۆڵێك یارییەكەی لە یانەی ریاڵ سۆسیداد بردەوە .
لە تۆڕە کۆمەڵایەتیەکان شەیری بکە