.

01:12 PM - 22/01/2018

مەولود چاووش ئۆغَڵو وەزیری دەرەوەی توركیا ئیدانەی داواكەی فەڕەنسا دەكات بۆ ئەنجامدانی كۆبونەوەیەكی بەپەلەی ئەنجومەنی ئاسایشی نێودەوڵەتی بۆ تاووتوێكردنی لەشكركێشییەكانی سوپای تورك بۆ سەر شاری عەفرین و پاریس تۆمەتبار دەكات بە پشتیوانیكردنی كورد لە رۆژئاوای كوردستان.
چاووش ئۆغڵو لەكۆنگرەیەكی رۆژنامەوانیدا لەمیانەی سەردانەكەی بۆ بەغدا رایگەیاندبوو:هەوڵی گواستنەوەی دۆسیەی شەڕی عەفرین لەرۆژئاوای كوردستان بۆ بەردەم ئەنجومەنی ئاسایشی نێودەوڵەتی لەلایەن فەڕەنسا یا هەردەوڵەتێكی دیكەوە، توركیا بە پشتیوانیكردن بۆ یەپەگە و یەپەژەی دادەنێت.
لەسەر ئۆپراسیۆنەكانی سوپای تورك بۆ سەر شاری عەفرین،جان ئیف لۆدریان وەزیری دەرەوەی فەڕەنسا داوای لەئەنجومەنی ئاسایشی نێودەوڵەتی كرد كۆبونەوەیەكی بەپەلە ئەنجامبدات بۆ تاووتوێكردنی ئەو پرسە.