.
07:26 PM - 21/01/2018
بەرێوەبەری كۆمپانیای خۆراك لەسلێمانی هۆكاری دابەش نەكردنو دواكەوتنی بەشەخۆراكی مانگانەی هاوڵاتیان ئاشكرادەكاتو تەئكید دەكاتەوە، هۆكارەكەی راگرتنی خەرجیەكان بووە لەلایەن حكومەتو وەزارەتی داراییەوە.
شەوكەت محەمەد بەرێوەبەری كۆمپانیای خۆراك لەشاری سلێمانی رایگەیاند: بەهۆی راگرتنی خەرجیەكان لەلایەن وەزارەتی دارایی هەرێمەوە لەماوەی رابردوودا كە پەیوەندی بەپارەی بەڵێندەرانەوە هەبوو نەتوانراوە پارەی پێویستیان بۆ دابین بكرێت، ئەوەش وایكردووە نەتوانرێت بەشە خۆراكی پێویست دابین بكرێت.
وتیشی: لەئێستادا لەكۆگاكاندا بڕی پێویست خۆراك دابینكراوەو برنج و شەكری پێویست لەبەردەستدایەو دەستكراوە بەدابەشكردنی بەشە شەكری مانگی ئابی ساڵی رابردوو لەرێی بریكارەكانەوە.
بەرێوەبەری كۆمپانیای خۆراك لەسلێمانی روونیشكردەوە: بەگوێرەی ئەو بەرنامەیەی دانراوە دەست بەدابەشكردنی بەشە خۆراك بەسەر هاوڵاتیان دەكرێتەوەو هاوڵاتیان دڵنیا دەكەینەوە كە هیچ گرفتێك لەدابەشكردنی بەشە خۆراكی مانگانەدا نابێت.
لە تۆڕە کۆمەڵایەتیەکان شەیری بکە