.
05:34 PM - 21/01/2018
مەلا بەختیار لێپرسراوی دەستەی كارگێری مەكتەبی سیاسی و سەعدی ئەحمەد پیرە لێپرسراوی پەیوەندییە گشتییەكانی ی.ن.ك سەردانی نوێنەرایەتی كانتۆنەكانی رۆژئاوای كوردستانیان كرد, دوای كۆبوونەوەكەش مەلا بەختیار لە كۆنگرەیەكی رۆژنامەوانی هاوبەش لەگەڵ جاویدان حەسەن سەرۆكی نوێنەرایەتی رۆژئاوا لە هەرێمی كوردستان و سلێمانی رایگەیاند: مەبەست لە سەردانەكەمان بۆ گەیاندنی هاوهەڵوێستیمانە بۆ كوردانی رۆژئاوا و بەتایبەتیش كانتۆنی عفرین كە چەند رۆژێكە رووبەڕووی هێرشێكی ناڕەوای دەوڵەتی توركیا بۆتەوە, وتیشی: پێمانوایە دەكرا لەبری چەك گفتوگۆ بكرایەتە بنەمای لێكتێگەیشتن و كۆتایی هێنان بە كێشە و ئاڵۆزییەكانی نێوان هەر دوولا.
لای خۆیەوە جاویدان حەسەن رایگەیاند: سەردانی یەكێتی نیشتمانی كوردستان بۆ بارەگای سەرەكییمان هێز و توانای زیاترمان پێدەبەخشێت, كە خۆڕاگربین لەبەرامبەر ئەو كارە دوژمنكارانەی دەوڵەتی توركیا كە هێرشی دەستپێكردووە بۆسەر كانتۆنی عفرین, بەو هۆیەشەوە چەندین هاوڵاتی بێتاوان بوونەتە قوربانی.
2Rpt3qVFBbc
لە تۆڕە کۆمەڵایەتیەکان شەیری بکە
