.
06:10 PM - 19/01/2018
حكومەتی عیراق بەرمیلێك نەوت بەبێ بەرامبەر دەداتە هەر خێزانێكی دانیشتووی قەزای دەربەندیخان، قایمقامی قەزاكەش رایدەگەیەنێت: هەفتەی داهاتوو دەست بە دابەشكردنی دەكرێت و پرۆسەكەش پێویستی بە دوو ملیۆن و 400 هەزار لیتر هەیە.
لەوبارەیەشەوە زانا بەهادین، قائیمقامی دەربەندیخان بەوەكالەت، بەماڵپەری تۆری هەواڵی سلێمانی ڕاگەیاندوە: كە وەزارەتی كۆچ و كۆچبەرانی عیراق بڕیاریداوە بەرمیلێك نەوت بەبێ بەرامبەر بەسەر دانیشتوانی قەزاكەدا دابەشبكات و لەئێستاشدا چاوەڕوانن نوسراوەكەی ئەو وەزارەتە بگاتە وەزارەتی نەوتی عیراق بۆ جێبەجێكردنی.
وتیشی:هەر خێزانێكی دەربەندیخان، كە ژمارەیان 12 هەزارو 79 خێزانە، بڕی (200) لیتر نەوتی سپی پێدەدرێت و كۆی ئەو بڕە نەوتەشی كە بۆ دابەشكردنەكە پێویستە، دوو ملیۆن و 400 هەزار لیتر دەبێت.
لە تۆڕە کۆمەڵایەتیەکان شەیری بکە
