.
03:25 PM - 19/01/2018
هیومان رایتس وۆچ سعودیە و ئیماراتی بە ئەنجامدانی تاوانی جەنگ لە یەمەن تۆمەتباركرد.
رێكخراوی مافی مرۆڤی نێودەوڵەتی لە راپۆرتی ساڵانەیدا هۆشداری لە پاشەكشە و بێدەنگبوونی وڵاتانی بەرگریكار لە مافی مرۆڤ داوە و بە هۆكارێك بۆ سەرهەڵدانی برسێتی لە یەمەن ناویبردووە.
ریكخراوەكە رەخنەی لە وڵاتانی زلهێز گرتووە بەهۆی بەردەوامی هاوكاریكردنی هاوپەیمانی عەرەبی بە سەرۆكایەتی سعودیە لە شەڕی یەمەن , ئاماژەی بەوەشكردووە هێرش و گەمارۆكانی هاوپەیمانی عەرەبی بۆ سەر یەمەن ، یەمەنییەكانی توشی نەخۆشی و برسێتی و ئاوارەبوون كردۆتەوە .
ئەوەشی ئاشكراكردووە پێش ئەوەی بەریتانیا بڕیاری راگرتنی بدات ، سعودیە و ئیمارات بۆمبی هێشوویی دروستكراوی بەریتانییان لە شەڕی یەمەن بەكارهێناوە. هیومان رایتس وۆچ ئاماژەی بە بوونی گرتوخانەی نهێنی لە یەمەن كردووە كە ڕاستەوخۆ لەلایەن ئیماراتەوە بەڕێوەدەبرێت.
لە تۆڕە کۆمەڵایەتیەکان شەیری بکە