کەناڵی ئاسمانی گەلی کوردستان

  Live

هەواڵەکان

حكومەت بە قیستی 5 ساڵ ئۆتۆمبێل بە فەرمانبەران دەفرۆشێت

.

09:35 PM - 17/01/2018

وەزارەتی بازرگانی عیراق بە قیستی 5 ساڵ ئۆتۆمبێل دەفرۆشێت بە سەرجەم فەرمانبەرانی دەوڵەت‌و فرۆشتنەكەش لەڕێگەی هەردوو بانكی ڕەشید‌و ڕافیدەینەوە ئەنجام دەدرێت.
ئەحمەد یاسین بەڕێوەبەری گشتی كۆمپانیای ئۆتۆمبێل‌و ئامێرەكان كە سەر بە وەزارەتی بازرگانی عیراقە لە بەیاننامەیەكدا تەئكیدیكردۆتەوە: كە بەردەوامن لەسەر فرۆشتنی ئۆتۆمبێل بە فەرمانبەرانی سەرجەم وەزارەت‌و ئەنجومەنی پارێزگاكان‌و فرۆشتنەكەش لەڕێگەی بانكی ڕەشید‌و رافیدەینەوە ئەنجام دەدرێت‌و هەر فەرمانبەرێك دەیەوێت ئۆتۆمبێل بكڕێت دەتوانێت سەردانی كۆمپانیاكەیان بكات.
ئاماژەی بەوەشكردوە: كە فەرمانبەران پێشەكی تەنها لەسەدا 10ی نرخی ئۆتۆمبێلەكە دەدەن‌و ئەوی تری لەلایەن بانكی رافیدەین‌و ڕەشیدەوە دابین دەكرێت‌و هاوڵاتی بە قیستی 5 ساڵ پارەكە دەداتەوە، هەروەها نرخی سوود بەڕێژەی لەسەدا 7 دەخرێتەسەر قەرزەكە.

لە تۆڕە کۆمەڵایەتیەکان شەیری بکە

سەرەوە