.
09:55 PM - 13/01/2018
وەزارەتی دارایی و ئابوری حكومەتی هەرێم ئامادەكاری بۆ دابەشكردنی موچەی فەرمانبەران دەكات و بەگوێرەی زانیارییەكانیش، لە 16ی ئەم مانگەوە خشتەیەكی نوێی دابەشكردنی موچەی بڵاودەكرێتەوە.
لەوبارەیەشەوە د. نوری عوسمان سەرۆكی فەرمانگەی هەماهەنگی و بەدواداچوون لەئەنجومەنی وەزیرانی هەرێم، بەماڵپەری تۆری هەواڵی سلێمانی ڕاگەیاندوە: دابەشكردنی موچەی فەرمانبەرانی هەرێم بەپێی ئەو داهاتەی حكومەت دەستی دەكەوێت، بەردەوامی دەبێت و بۆ ئەم مانگەش موچە دابەشدەكرێت و لە چەند رۆژی داهاتوودا خشتەیەكی نوێی موچە بڵاوبكرێتەوە.
ئاشكراشیكرد: لەم مانگەدا موچەی مانگی (10)ی ساڵی ڕابردوو دابەشدەكرێت و موچەی سێ مانگی كۆتایی 2017 ناكرێتە پاشەكەوت.
هەربەپێی زانیاریەكانی ئەو ماڵپەڕە موچەی سێ مانگی كۆتایی ساڵی ڕابردوو، كراونەتە چەك و لەگەنجینەكان دانراون، بەڵام ئەو چەكانە بۆ مووچە خەرج ناكرێت و هەركاتێكیش وەزارەتی دارایی بڕیاریدا بكرێنە پاشەكەوت، ئەوا بەهەمان شێوەی موچەی چوار مانگی كۆتایی ساڵی 2015، دەكرێنە پاشەكەوت، دەست بەدابەشكردنی موچەی مانگی یەكی ساڵی نوێ دەكرێت.
لە تۆڕە کۆمەڵایەتیەکان شەیری بکە