.
06:54 PM - 20/11/2017
وەزارەتی دارایی و ئابووری ڕایدەگەینێت: سەبارەت بەو بومەلەرزەیەی كە بۆتە هۆی گەیاندنی زەر و زیانی گیانی و ماڵی، لە شار و شارۆچكەكانی هەرێمی كوردستان، بە تایبەتی لە سنووری پارێزگای (سلێمانی، هەڵەبجە، گەرمیان، دەربەندیخان)، لە كاتی ئەم كارەساتە دا، وەك پێشینەی بەردەست بۆ ڕاپەڕاندنی ئیش و كارە هەنوكەییەكان، بڕی (300) ملیۆن دینار تەرخان كرا بەم شێوەیە لای خوارەوە:-
1- بڕی (100) سەد ملیۆن دینار بۆ پارێزگای سلێمانی.
2- بڕی (100) سەد ملیۆن دینار بۆ پارێزگای هەڵەبجە.
3- بڕی (100) سەد ملیۆن دینار بۆ ئیدارەی گەرمیان.
لە كاتی ئێستاش دا لەسەر ڕاسپاردەی بەڕێز (سەرۆكایەتی ئەنجومەنی وەزیران)، بڕی (یەك ملیار) دینار لە لایەن (وەزارەتی دارایی و ئابووری) تەرخان كرا، بۆ چاككردنەوەی گیروگرفتەكانی ئاو و كارەبا لە شارۆچكەی (دەربەندیخان) لەسەر داواكاری پارێزگای سلێمانی.
بەڕێوەبەرایەتی ڕاگەیاندن و پەیوەندیەكان
لە تۆڕە کۆمەڵایەتیەکان شەیری بکە
