.
10:40 PM - 12/11/2017
كەمێك لەمەوبەر بومەلەرزەیەكی بەهێز تەواوی ناوچەكانی هەرێمی كوردستانی گرتەوەو لەچەند ناوچەیەكیش زیانی بەباڵەخانە و شوێنی نیشتەجێبوونی هاوڵاتیان گەیاندووە ، بۆیە بەڕێوەبەرایەتی پۆلیسی پارێزگای سلێمانی داوا لە هاوڵاتیان دەكات بەمەبەستی پاراستنی گیانیان و و ئارامی و ئاسایشی شاری سلێمانی لەشوێنی ئارامدا بمێننەوەو قەرەباڵغی دروست نەكەن بە مەبەستی ئەگەری هەر ڕوداوێكی تری نەخوازراو .
پۆلیسی سلێمانی هاوڵاتیان دڵنیا دەكاتەوە كە وەك هەمیشە هێزەكان لە ئامادەباشیدان بۆ پاراستنی سەر و ماڵیان و داواش لە هاوڵاتیان دەكات لەبونی هەر ڕوداوێكی نەخوازراو هاوكاری تیمە فریا گوزارییەكان بن .
بەڕێوەبەرایەتی پۆلیسی پارێزگای سلێمانی – ڕاگەیاندن و پەیوەندییەكان
لە تۆڕە کۆمەڵایەتیەکان شەیری بکە
