.
10:10 PM - 05/07/2015
شەڕڤانێكی بەرەگەز ئەمریكی رۆڵی یەكێتی لە هاوكاریكردنی شەڕڤانان لە بەرەنگاربوونەوەی تیرۆریستاندا بەرز دەنرخێنێت. لەمیانەی سیمینارێكدا لە شاری یۆتۆبۆری وڵاتی سوید بۆ جۆردن ماتسۆن ناسراوە بە هەڤاڵ سەردار كە بەڕەگەز ئەمریكییە و نزیكەی ساڵێكە لەناو ریزەكانی یەپەگە دژ بە داعش و بەرگری لە خاكی پیرۆزی كوردستان دەجەنگێت. لەو سیمینارەدا كە ئەنجومەنی گەلی كوردان رێكیخستبوو تێیدا وەفدێكی كەرتی رێكخستنی یۆتۆبۆری یەكێتی ئامادەی بوون، هەڤاڵ سەردار تیشكی خستە سەر دواگۆڕانكارییەكانی رۆژئاوای كوردستان و رەوشی كۆبانی و یەك ریزی گەلی كورد. لەدرێژەی وتەكانیدا هەڤاڵ سەردار تیشكی خستە سەر هەماهەنگی پارت و حزبە كوردستانیەكان و بە ڕاشكاوانە باسی لە گرنگی رۆڵی یەكێتی كرد و رایگەیاند: یەكێتی تاكە هێزە كە گەلی كورد دەتوانێت پشتی پێببەستێت و ئەگەر كورد دەوڵەتی سەربەخۆیی خۆی هەبێت ئەوا یەكێتی دەوری كاریگەری دەبێت لە دروستكردن و بەرێوەبردنی ئەو دەوڵەتە، ئاماژەی بەوەشكرد: كە نكوڵی لەوەناكرێت كە یەكێتی پشت و پەنای شەرەڤانان و تەواوی كوردانی رۆژئاوا بووە و بەبەردەوامیش هاوكاری یەپەگە و هێزە كوردییەكان دەكات دژ بە تیرۆریستانی داعش.
CbUlm0V0V8U
لە تۆڕە کۆمەڵایەتیەکان شەیری بکە
