.
05:29 PM - 23/02/2017
ئاژانسی ناسای بۆشایی ئاسمانی ئەمریكی دۆزینەوەی حەوت هەسارەی نوێی راگەیاند كە قەبارەی هەریەكەیان هێندەی قەبارەی گۆی زەوی دەبێت و پێشبینی ئەوەشیكردووە لەبەشێك لەو هەسارە نوێیانەدا ژیانی تێدا بێت. زاناكانی ئاژانسی ناسا لە كۆنگرەیەكی رۆژنامەوانیدا رایانگەیاند: نزیكترینی ئەو هەسارانە لەگۆی زەوی بە ترابیست یەك ناودەبرێت و نزیكەی 40 ساڵی تیشكیی لە گۆی زەوییەوە دوورە. هەروەك راشیدەگەیەنن :هێڵی كەشكەشانی فەلەك چەندین هەسارەی بەردینی تێدایە. بەپێی زانیارییەكانی زاناكانی ئاژانسی ناسا، لانی كەم لەنێو ئەو حەوت هەسارەیە، سێ هەسارە هەن لەدوورییەكی گونجاوەوەن لەگۆی زەوی و ئەوەش ئەو شوێنە دەبێت كە ئەگەری ئەوەی لێدەكرێت ئاوی تێدا دروستبێت لەسەر شێوەی دۆخی شلی. بەوپێیەش رێگەدەدات بەگەشەكردنی ژیان لەسەر ئەو هەسارانە و رەنگەی گریمانەی ئەوەش بكرێت گەر رۆژێك لەرۆژان مرۆڤ دەستی بیانگاتێ، بتوانێت تیایاندا بژی.
لە تۆڕە کۆمەڵایەتیەکان شەیری بکە