.

09:35 PM - 24/05/2015

چەكدارەكانی‌ داعش ژمارەیەك بازرگانی‌ بە ڕەگەز عیراقیان لە ناوچەی حەدیسە گوللـەباران كرد. لەو بارەیەوە عەبدولحەكیم جغێفی‌ قایمقامی‌ قەزای‌ حەدیسە رایگەیاندووە: لە كاتی‌ گواستنەوەی‌ كەلوپەل و خۆراكدا لە قەزای‌ بێجی‌ بۆ قەزای‌ حەدیسە ‌ تیرۆریستانی‌ داعش 16  بازرگانیان دەستگیركردووە. ئاماژەی‌ بەوەشكردووە: دوابەدوای‌ دەستگیر كردنیان لەلایەن‌ تیرۆریستانی‌ داعشەوە، لە ناوچەیەكی‌ قەزای‌ حەدیسە گوللـەبارانكراون. چەكدارەكانی‌ داعش نوسراوێكیان لەسەر تەرمی‌ كوژراوەكان جێهیشتووە و نوسیویانە، كوشتنی‌ ئەو بازرگانانە لە تۆڵەی‌ كوژرانی‌ چەكدارەكانیانە لە نزیك قەزای‌ حەدیسە.