.

01:35 PM - 31/03/2015

گەورە نوسەرێكی فەرەنسی كتێبێكی بەناوی (مردن لەپێناو كۆبانی) بڵاوكردەوە. پاتریس فرانسیشكی ئاڵڤ لەكتێبەكەیدا باس لە بەرخودانی خەڵكی كۆبانێ و وەستان لەبەرامبەر داعش و تێشكاندنی گەورەترین گروپی تیرۆرستی دەكات، هەروەها باسیش لەنمونەی ئیدارەدانی سەربەخۆی كانتۆنی كۆبانی كردووە، لەكۆكردنەوەی ئەو هەموو نەتەوە و ئاینزایانەی كە لەناوچەكەدا بوونیان هەیەو ئازادی و دیموكراتیەكی تەواوەتیان بۆ فەراهەمكراوە، دواتر فرانسیشكی تیشك دەخاتە سەر بەرخودانی خەڵكەكەی و خەباتی ژن و پیاو منداڵ لەبەرامبەر گروپی تیرۆریستی توندڕەوی داعش و تێشكاندنی ئەو گروپەو كوشتنی دەیان سەركردە و تیرۆریستی وڵاتانی جیهان، هەروەك ئەو نوسەرە فەرەنسیە بەرخودانی كۆبانێ بەیەكێك لە گەورەترین داستانەكانی قارەمانیەتی و خەبات لە پێناوی دیموكراسی و خاك و نیشتمان لەسەدەی بیست و یەك دەزانێت و كورد بەتاكە هێزێكی جیهان لەقەڵەم دەدات كە توانیویانە داعش تێكبشكێنن و ئیرادەی نەتەوەی و نیشتمانیان بەسەر داعشدا بسەلمێنن. پاتریس فرانسیشكی ئاڵڤ زیاتر لە 30 كتێبی گەورەو بەناوبانگی نوسیوەو سەرپەرشتیاری نوسینی زنجیرە كتێبەكانی ئەڤاتارە كە ژمارەیەك نوسەری گەورەی جیهان تیایدا بەشدارن.