.
11:26 AM - 29/11/2015
شانەی راگەیاندنی جەنگی عیراق لە بەیاننامەیەكدا رایگەیاند لە هێرشێكی فڕۆكە جەنگییەكانی عیراقدا لە ناوچەی زاب بە پشت بەستن بە زانیارییە هەواڵگرییەكان دەیان تیرۆریستی داعش و بەرپرسی بەرگری ئاسمانی داعش كوژراون .
ئەو شانەیە ئاماژەی بەوەشكردووە لەو بۆردومانانەدا لە ناوچەی زاب زیانێكی زۆر بە تیرۆریستان گەیشتووە و كۆگایەكی گەورەی چەك و تەقەمەنیش خاپووركراوە .
هەر لە بەیاننامەكەی شانەی راگەیاندنی جەنگی عیراقدا هاتووە فڕۆكە جەنگییەكانی عیراق لە باكووری شەرگات دەستیان كردووە بە بۆردومان كردنی بنكە و بارەگاكانی داعش و كارگەیەكی دروستكردنی بۆمب و كۆگایەكی چەك و تەقەمەنیان خاپوور كردووە و ژمارەیەك تیرۆریستیش كوژران.
لە تۆڕە کۆمەڵایەتیەکان شەیری بکە
